Мадриднинг «Реал» клуби бош мураббийи Жозе Моуриньо Испания чемпионатининг 8-турида «Вильярреал»га қарши бўлиб ўтадиган ўйин олдидан жамоанинг асосий таркибига ўзгартиш киритиш имкониятини кўриб чиқмоқда. The Athletic нашри маълумотига кўра, португалиялик мутахассис Винисиусни захира ўриндиғида қолдириши мумкин.
Манбага кўра, Винисиус ўрнига учрашувни дастлабки дақиқалардан Ян Диоманде бошлаши мумкин. Таъкидланишича, бундай таркиб ротацияси айнан яқинлашиб келаётган учрашувда амалга оширилиши режалаштирилган.
Испания чемпионатининг 8-туридан ўрин олган «Реал» — «Вильярреал» учрашуви 10 октябрь куни Мадриддаги «Сантьяго Бернабеу» стадионида бўлиб ўтади.
