Шотландиялик ярим ҳимоячи Скотт Мактоминейнинг «Наполи»дан Англияга қайтиши ҳақидаги хабарлар матбуотда тобора кўпаймоқда.

Футболчи келаси ёзда Италияни тарк этиши эҳтимоли юқори. Унинг «Наполи» билан шартномаси 2028 йилнинг ўртасида якунига етади ва янги битим тузилиши эҳтимоли катта эмас. Журналист Экрем Конур маълумотларига кўра, 29 ёшли ярим ҳимоячини ўз сафига қўшиб олишдан «Манчестер Юнайтед», «Ньюкасл» ва «Астон Вилла» клублари манфаатдор.

Transfermarkt портали Скотт Мактоминейнинг тахминий қийматини 40 миллион евро деб баҳоламоқда.

Эслатиб ўтамиз, Мактоминей Италияга кўчиб ўтишидан олдин «Манчестер Юнайтед»да тўп тепган. У манкунианликлар тизимида 20 йилдан ортиқ вақт бўлган.