Агент Энцо Райола "Манчестер Сити" дарвозабони Жанлуижи Доннарумма ва унинг жамоадоши Эрлинг Холанд ўртасидаги дўстлик ҳақида фикр билдирди.

"Уларнинг характери ўхшаш. Илгари Холанд Мино Райола билан ишлаган ва Доннарумма ҳам у билан жуда яқин муносабатда бўлган.

Эрлинг ва Джиджо яхши йигитлар, олтин қалбли жангчилар. Шунинг учун ҳам улар бир-бири билан жуда яхши тил топишади", — дея Энцо Райоланинг сўзларини Football-Italia келтирди.

Норвегиялик ҳужумчи "Манчестер Сити" сафида 2022 йил ёзидан буён тўп суриб келмоқда, италиялик дарвозабон эса жамоага уч йилдан кейин қўшилган.

11 октябрь, якшанба куни "Манчестер Сити" Премьер-лиганинг 6-турида сафарда "Ливерпуль"га қарши майдонга тушади.