Ҳозирда "Ньюкасл" сафида тўп сураётган "Манчестер Сити"нинг собиқ футболчиси Нико Гонсалес манчестерликларнинг Англия Премьер-лигаси молиявий қоидаларини бузганлик билан боғлиқ иши ҳақида фикр билдирди.
"Клубда ҳаммаси яхши бўлишини истайман. Мен жамоада бир ярим йил ўтказдим ва у ерда кўплаб танишлар орттирдим. Шунинг учун "Манчестер Сити"га доимо энг яхши тилакларни тилайман.
Аммо мен шунчаки футболчиман ва бу вазиятга ҳеч қандай таъсир ўтказа олмайман", — дея Гонсалеснинг сўзларини City Xtra келтирди.
Аввалроқ АПЛ комиссияси "Манчестер Сити"ни молиявий қоидаларни бузиш бўйича барча бандларда айбдор деб топгани ҳақида хабар берилган эди.
Ҳозирча Англия клубига қандай жазо берилиши маълум эмас.
