Испаниялик собиқ футболчи Педро Родригес "Барселона" сафида ўтказган йилларини эслади. 39 ёшли собиқ вингер 7 октябрь куни профессионал фаолиятини якунлаганини эълон қилган эди.
"Мен тарихдаги энг яхши "Барса"нинг бир қисми бўлганман — бу мен учун улкан шараф. Биз барча совринларни қўлга киритдик ва бутун дунёни ҳайратга солдик. Юрагим доимо "Барса"га тегишли бўлиб қолади", — дея Педронинг сўзларини Barca Universal келтирди.
Педро 2008 йилдан 2015 йилгача "Барселона"нинг асосий жамоаси сафида тўп сурди, шундан сўнг "Челси"га сотилди.
У каталонияликлар билан уч марта Чемпионлар лигаси ва беш марта Ла Лига ғолиби бўлди. Испания терма жамоаси сафида эса жаҳон ва Европа чемпионлигини қўлга киритди.
