Амстердамнинг «Аякс» клуби ҳужумчиси Каспер Дольберг учун 2026/27 йилги мавсум муддатидан аввал якунланди. Даниялик футболчи жиддий жароҳат сабабли мавсумнинг қолган қисмида майдонга туша олмайди.
Дольберг кузги халқаро ўйинлар учун ажратилган дастлабки танаффус вақтида Дания миллий терма жамоаси ихтиёрида бўлганида тиззасининг олдинги хочсимон боғламини узиб олган.
Футболчи жарроҳлик амалиётини муваффақиятли ўтказди. Бу ҳақда «Аякс» матбуот хизмати маълум қилди.
«Олдинги хочсимон боғламимда ўтказилган операция муваффақиятли якунланди. Албатта, бундан хурсандман, гарчи ушбу жароҳат мен учун жиддий зарба бўлган бўлса-да.
Энди бутун эътиборимни соғайиш жараёнига қаратишим керак. Яқин орада Амстердамга қайтиб, тикланиш жараёнини ўша ерда давом эттираман», — деди Дольберг.
Эслатиб ўтамиз, даниялик ҳужумчи жорий мавсумда «Аякс» сафида иккита гол урган эди.
