Франциялик ҳимоячи Жюль Кунде сўнгги учрашувларда етарлича ўйин амалиётига эга бўлмаётганига қарамай, «Барселона»ни тарк этиш ниятида эмас. Бу ҳақда Diario Sport хабар берди.
Манба маълумотига кўра, Кунде клубда қолиб, бош мураббий Ханс-Дитер Фликка ўзининг имкониятларини исботламоқчи. Шу боис у бошқа жамоалардан тушаётган таклифларни кўриб чиқмаяпти.
Айни вақтда немис мутахассиси Кунде учун асосий таркибдан жойни кафолатламоқчи эмас. Шу билан бирга, «Барселона» ҳозирча футболчини сотиш ҳақида ўйламаяпти. Агар вазият ўзгармаса, клуб январь ойида бу масалага яна қайтиши мумкин.
27 ёшли ҳимоячи жорий мавсумда барча турнирлар доирасида 5 та учрашувда майдонга тушди ва гол ёки ассист қайд этмади.
