Мадриднинг «Реал» клуби ҳимоячиси Рауль Асенсио ҳайдовчилик ҳуқуқидан маҳрум этилгани ҳақида фикр билдирди.

Футболчининг сўзларига кўра, у оғир даврни бошдан кечирган. Шунингдек, Асенсио жиддий хато қилганини тан олди.

«Мен узр сўрадим ва кечирим сўрашда давом этаман. Мен 23 ёшдаман. Бу ёшда ҳар ким хато қилиши мумкин, аммо қаерда эканимни тушунишим керак. Мен “Реал”да ўйнайман, шунинг учун бундай ҳолат бошқа такрорланмаслиги керак. Мен ҳаммасини тўғрилашни ва ушбу клуб билан совринларни қўлга киритишни орзу қиламан», — дея Асенсионинг сўзларини келтиради Madrid Universal.

Ҳимоячи жорий мавсумда ҳали бирор марта майдонга тушмади. У жароҳати сабаб чемпионат бошланишини ўтказиб юборди.