Мадриднинг «Реал» клуби бош мураббийи Жозе Моуриньо жамоа ҳужумчиси Килиан Мбаппега нисбатан билдирилаётган танқидларга муносабат билдирди.

Аввалроқ «Реал»да жароҳатидан тикланиш ўрнига саёҳатга кетган ҳужумчининг хатти-ҳаракатларидан норозилик мавжудлиги ҳақида хабарлар тарқалганди.

«ОАВнинг бу иши мутлақо бемаънилик. Мбаппе жароҳатидан кейин клубга келди ва тиббиёт ходимлари билан маслаҳатлашди. Унинг тикланиш режаси бор, аммо бу ҳақда сизлар билишингиз шарт эмас.

Шундан кейин бутун бошли шов-шув бошланди. Гўёки ОАВда сўнгги икки ҳафта ичида футболда юз берган муаммоларнинг ўзи етарли эмасдек. Одамлар жанжал чиқариш учун баҳона излаш билан банд.

Аввалига тунги клуб ҳақида гап-сўзлар тарқалди, ваҳоланки, бундай воқеа бўлмаган. Кейин Швейцарияда велосипед билан боғлиқ ҳодиса ҳақида ёзишди. Аслида эса велосипедлар меҳмонхона ҳудуди ичида ҳаракатланиш учун мўлжалланган.

«Реал» — бу «Реал». Сиз, журналистлар, доимо бирор нарсани ковлаштиришга уринасиз. Матбуот анжуманидаги биринчи савол фақат ўйин ҳақида бўлади, деб ўйлагандим», — деди Моуриньо.