Суперлига 23-туридаги Тошкент дербисидан сўнг "Пахтакор" бош мураббийи Камолиддин Тожиев матбуот анжуманида иштирок этиб, учрашув ҳақида фикр билдирди.
"Кўп вазиятлар яратдик"
Мутахассис футболчилар учрашувнинг аҳамиятини яхши ҳис қилганини таъкидлади.
"Йигитлар ўйиннинг жуда муҳим эканини тушуниб туришганди. Улар охиригача курашишди, бу эса ғалаба қозонишимизни таъминлади. Кўп вазиятлар яратдик, уларнинг учтасидан фойдаландик. Ҳар бир баҳсда имкониятларимиз кўп бўлади. Улардан унумли фойдаланиш борасида ишлашда давом этамиз", — деди Тожиев.
Айман Ҳусайн ҳақида
"Пахтакор" устози жамоа ҳужумчиси Айман Ҳусайннинг ҳаракатларига ҳам тўхталди.
"Айман жамоага фойда келтирмоқда. У ҳужумлар бошлашимиз, бўш ҳудудларга чиқишимизда ёрдам бермоқда. Аввалги беллашувларда ассист берди, рақибнинг қизил карточка олишига сабабчи бўлди. Таркибдаги ҳар бир ўйинчида ўйнаш учун имкон юзага келади", — деди мураббий.
