"Галатасарой" ҳужумчиси Виктор Осимхен Чемпионлар лигаси доирасида "Барселона"га қарши бўлиб ўтадиган учрашув ҳақида фикр билдирди.
"Барселона"га қарши ўйин олдидан кучли ҳаяжонни ҳис қиляпман. Чунки бизга, эҳтимол, дунёнинг энг яхши жамоаси рақиблик қилади.
Бундай рақибга қарши майдонга катта иштиёқ ва юқори диққат билан чиқиш керак. Кўп прессинг қилиш талаб этилади.
Биз тайёрмиз", — дея Осимхеннинг сўзларини келтиради Le Marca Sports.
Аввалроқ нигериялик ҳужумчи жароҳат сабаб бир нечта учрашувни ўтказиб юборган эди. Бироқ у халқаро танаффус давомида соғайишга улгурди.
9 октябрь куни Осимхен Туркия чемпионати доирасида "Қосимпоша"га қарши баҳсда майдонга тушди.
"Галатасарой" 3:1 ҳисобида ғалаба қозонган ушбу учрашувда ҳужумчи атиги 13 дақиқа ҳаракат қилган бўлса-да, голли узатмани амалга оширди.
Чемпионлар лигаси иккинчи туридан ўрин олган "Галатасарой" ва "Барселона" ўртасидаги учрашув 13 октябрь куни бўлиб ўтади.
Баҳс Ўзбекистон вақти билан 14 октябрь куни соат 00:00 да бошланади.
