Англия Премьер-лигасининг бир нечта топ-клублари Канада терма жамоаси ва Мюнхеннинг «Бавария» клуби қанот ҳимоячиси Альфонсо Дэвисга қизиқиш билдирмоқда.

Бу ҳақда инсайдер Экрем Конур ижтимоий тармоқларда хабар берди.

Манба маълумотларига кўра, канадалик футболчи айни пайтда Англиянинг тўртта клуби эътиборида турибди.

Гап «Манчестер Юнайтед», «Манчестер Сити», «Ливерпуль» ва Лондоннинг «Арсенал» клублари ҳақида кетмоқда.

Аввалроқ Альфонсо Дэвисга Мадриднинг «Реал» ҳамда Каталониянинг «Барселона» клублари ҳам қизиқиш билдираётгани хабар қилинган эди.

Канадалик ҳимоячининг бошқа клубга эҳтимолий трансфери 45 миллион еврога баҳоланмоқда.

Дэвиснинг «Бавария» билан амалдаги шартномаси 2030 йилнинг ўрталаригача мўлжалланган.