«Барселона» қанот ҳужумчиси Ламин Ямаль мактабдаги ўқишини юқори савиядаги футбол билан қандай бирга олиб борганини эслади.
Испаниялик футболчи 16 ёшида «Барселона» ва мамлакат миллий терма жамоасининг асосий таркибидан жой олган эди.
«Мен Евро-2024 давомида ҳам ўқишни давом эттирганман. Ҳар куни уй вазифалари бериларди.
Баъзан топшириқлар жуда кўп бўларди, аммо уларни меҳмонхонада бажарардим ва ҳаммасига улгурардим.
Муҳим учрашувларимиз бўлган пайтда ўқитувчилар уй вазифаларини текширишда бироз енгиллик қилишлари мумкин эди.
Бироқ ўйинлар камроқ бўлган кунларда мактаб топшириқлари етарлича кўп бўларди.
Европа чемпионати давомида ҳам ўқишдан ортда қолмасликка ҳаракат қилганман», — дея Ямалнинг сўзларини келтиради Barca Universal.
Эслатиб ўтамиз, Испания терма жамоаси 2024 йилги Европа чемпионатида ғолиб чиққан, икки йил ўтиб эса жаҳон чемпионлигини ҳам қўлга киритган.
