Мадриднинг «Реал» клуби ярим ҳимоячиси Арда Гюлер Туркия миллий терма жамоаси бош мураббийи Винченцо Монтелланинг истеъфосига муносабат билдирди.
Италиялик мутахассиснинг лавозимидан озод этилгани жума куни эълон қилинган эди.
«Устоз, ҳаммаси учун сизга раҳмат!
Сизнинг ишончингиз ва қўллаб-қувватлашингиз мен учун доимо жуда катта аҳамиятга эга бўлган.
Биз Туркия терма жамоасида биргаликда унутилмас лаҳзаларни бошдан кечирдик. Бу ажойиб хотиралар учун сиздан доимо миннатдор бўламан.
Сиз билан ишлаш мен учун катта мамнуният эди.
Келгуси фаолиятингизда сизга ва мураббийлар штабингизга барча эзгу тилакларни тилайман», — деб ёзди Гюлер ижтимоий тармоқлардаги саҳифасида.
Эслатиб ўтамиз, Винченцо Монтелла 2023 йил сентябрь ойидан буён Туркия миллий терма жамоасини бошқариб келаётган эди.
