Лондоннинг «Челси» клуби қишки трансфер ойнасида ярим ҳимоя чизиғини кучайтиришни режалаштирмоқда.

Журналист Экрем Конурнинг маълум қилишича, «кўклар» ёзда амалга ошмай қолган трансфердан сўнг ҳам «Монако» ярим ҳимоячиси Ламин Камарага қизиқиш билдиришда давом этмоқда.

Бироқ ҳозирда сенегаллик футболчи Лондон клуби учун асосий трансфер мақсади ҳисобланмайди.

Сабаби, «Монако» Камаранинг трансфер нархини 70 миллион еврогача оширган.

Айни пайтда «Челси»нинг устувор мақсади «Борнмут» ярим ҳимоячиси Алекс Скоттни ўз сафига қўшиб олишдан иборат.

Шу билан бирга, агар «Монако» молиявий талабларини пасайтирса, лондонликлар Камаранинг трансферига яна қайтиши мумкин.

Англия Премьер-лигасининг бешта туридан сўнг «Челси» турнир жадвалида ўнинчи ўринни эгаллаб турибди.

Хаби Алонсо шогирдлари ҳозиргача етти очко жамғарган.