«Ливерпуль» Лондоннинг «Фулхэм» клуби ҳужумкор ярим ҳимоячиси Жош Кингни ўз сафига қўшиб олишга қизиқиш билдирмоқда.
Мерсисайдликлар 19 ёшли футболчини январь ойида сотиб олиш имкониятини кўриб чиқмоқда. Бу ҳақда Football Insider нашри хабар берди.
Манба маълумотларига кўра, «Фулхэм» Кингни сотишни истамаяпти. Бироқ клуб мавжуд муаммоларини инобатга олган ҳолда, футболчи билан хайрлашишга рози бўлиши мумкин.
Шу билан бирга, «Ливерпуль» истеъдодли ярим ҳимоячи учун курашда жиддий рақобатга дуч келиши эҳтимолдан холи эмас.
Сабаби, Жош Кингга «Барселона», «Манчестер Юнайтед» ва Дортмунднинг «Боруссия» клублари ҳам қизиқиш билдирмоқда.
Жорий мавсумда Кинг барча мусобақалар доирасида олтита учрашувда иштирок этиб, иккита гол урди ва битта голли узатмани амалга оширди.
Футболчининг «Фулхэм» билан амалдаги шартномаси 2029 йил ёзигача мўлжалланган.
Transfermarkt портали маълумотларига кўра, Жош Кингнинг бозор қиймати 40 миллион еврони ташкил этади.
