«ПСЖ» ярим ҳимоячиси Витинья Париж клуби тарихида ўзига хос рекорд ўрнатди.

26 ёшли португалиялик футболчи Франция Лига 1 мусобақасининг 6-туридан ўрин олган «Ле Ман»га қарши учрашувда майдонга тушиб, «ПСЖ» сафидаги ўйинлари сонини 212 тага етказди.

Витинья мазкур баҳснинг 59-дақиқасида захирадан ўйинга қўшилди. Шундан кўп ўтмай, парижликлар рақиб дарвозасига иккита гол уриб, 3:1 ҳисобидаги ғалабани қўлга киритди.

ParisSG INFOS маълумотига кўра, Витинья «ПСЖ» тарихида энг кўп учрашув ўтказган португалиялик футболчига айланди.

У бу борада клубнинг собиқ ҳужумчиси ва афсонаси Педру Паулетанинг натижасини янгилади. Паулета Париж жамоаси сафида 211 та ўйин ўтказгани қайд этилган.

Эслатиб ўтамиз, Витинья 2022 йил ёзида Португалиянинг «Порту» клубидан «ПСЖ»га кўчиб ўтган эди.

Португалиялик ярим ҳимоячи шу вақтга қадар Париж клуби таркибида 212 та учрашувда майдонга тушиб, 27 та гол ва 25 та голли узатмани ўз ҳисобига ёздириб қўйган.