«Комо» ва «Рома» ўртасидаги учрашув голларсиз якунланиб, жорий мавсумда Италия А Сериясидаги биринчи голсиз баҳсга айланди. Қаторacига 53 та учрашувда камида биттадан гол урилганидан сўнг, Италия чемпионатида илк бор 0:0 ҳисоби қайд этилди. Қизиғи шундаки, айнан бу учрашувда бундай натижа кузатилиши эҳтимоли пастдек кўринган эди.

Шу билан бирга, бу рекорд эмаслигини таъкидлаш лозим. 1949/1950 йилги мавсумда А Сериядаги илк голсиз дуранг фақат еттинчи турда қайд этилган. Ўшанда «Милан» ва Римнинг «Лацио» клублари ўзаро дуранг ўйнаган.

Ўтган мавсумда эса чемпионатнинг биринчи учрашувиёқ 0:0 ҳисобида якунланган, дастлабки олти тур давомида жами олтита голсиз дуранг қайд этилган.