«РБ Лейпциг» вингери Антонио Нуса Англия Премьер-лигаси клублари эътиборини тортмоқда.
Журналист Экрем Конурнинг хабар беришича, 21 ёшли футболчига Лондоннинг «Арсенал» клуби қизиқиш билдирмоқда. Аввал ҳам норвегиялик иқтидорли футболчига даъвогарлар қаторида қайд этилган «канонирлар»дан ташқари, «Астон Вилла» ва «Ньюкасл» ҳам унинг ўйинларини кузатиб бормоқда.
«Қизил буқалар» ўз юлдузи учун 60 миллион фунт стерлинг, яъни қарийб 71 миллион евро талаб қилмоқда.
Антонио Нуса жорий мавсумда «РБ Лейпциг» сафида еттита учрашувда майдонга тушиб, тўртта гол урди ва учта голли узатмани амалга оширди. Transfermarkt портали футболчининг трансфер қийматини 45 миллион евро деб баҳоламоқда.
