Чемпионлар лигаси доирасида «Барселона»га қарши ўтказиладиган учрашув олдидан ташкил этилган матбуот анжуманида Туркиянинг "Галатасарой" клуби бош мураббийи Окан Бурук ўз фикрларини билдирди.
"Барселона" кимлигини ёки улар қандай ўйнашини тушунтиришга ҳожат йўқ. Мен ва менинг ўйинчиларим бу стадионда энг яхши ўйинимизни кўрсатсак, катта муваффақиятларга эришамиз. Бизнинг мақсадимиз ҳар доимгидек ғалаба қозониш. Ҳамма "Барселона"ни фаворит деб атайди, аммо бу ерда ҳаракат қилишга тайёр ва муваффақиятга ишонадиган жамоа бор" - деди Окан Бурук.
Эслатиб ўтамиз, ушбу беллашув Тошкент вақти билан соат 23:59да бошланади.
