«Барселона» собиқ директорлар кенгаши аъзоси Тони Фрейша Лионель Мессининг «Камп Ноу» стадионидаги хайрлашув учрашуви тахминий қачон ўтказилиши ҳақида маълумот берди.

«Бир ярим йилдан сўнг “Камп Ноу” стадионида “Барселона”нинг Лео Месси билан хайрлашув маросими бўлиб ўтади. Бу тасдиқланган маълумот», — дея Фрейшадан иқтибос келтирмоқда The Touchline нашри ижтимоий тармоқдаги X саҳифасида.

Месси «Барселона» тарбияланувчиси ҳисобланади. У 2004 йилдан 2021 йилгача каталонияликлар асосий жамоасида тўп сурган ва бир қатор совринларни қўлга киритган.

Ўтган ҳафта Месси Аргентина терма жамоаси сафидаги хайрлашув учрашувида майдонга тушди. Унда аргентиналиклар Бенин терма жамоасини 3:0 ҳисобида мағлуб этди. Месси мазкур баҳсда битта гол урди ва иккита голли узатмани амалга оширди.