«Милан» бир муддат Маттео Габбия хизматларидан фойдалана олмайди. Марказий ҳимоячи рақибдан тўпни олиб қўйишга уриниш чоғида муваффақиятсизликка учраб, майсага йиқилганида, унинг ҳолати жиддий хавотир уйғотди. Ўтказилган тиббий текширув италиялик футболчининг мушак жароҳатини тасдиқлади. Унинг қачон сафга қайтиши ҳозирча аниқ эмас.

«Бугун Маттео Габбия тиббий кўрикдан ўтди. Текширув чап сондаги букувчи мушакнинг пайга ҳам таъсир қилган шикастланишини аниқлади. Футболчи даволашнинг энг мақбул усулини белгилаш учун мутахассис билан маслаҳатлашади», — дея derbyderbyderby.it нашри хабар берди.

Эслатиб ўтамиз, «Милан» аввалги куни «Сассуоло» билан дуранг ўйнади.