«Milan» bir muddat Matteo Gabbiya xizmatlaridan foydalana olmaydi. Markaziy himoyachi raqibdan to‘pni olib qo‘yishga urinish chog‘ida muvaffaqiyatsizlikka uchrab, maysaga yiqilganida, uning holati jiddiy xavotir uyg‘otdi. O‘tkazilgan tibbiy tekshiruv italiyalik futbolchining mushak jarohatini tasdiqladi. Uning qachon safga qaytishi hozircha aniq emas.
«Bugun Matteo Gabbiya tibbiy ko‘rikdan o‘tdi. Tekshiruv chap sondagi bukuvchi mushakning payga ham ta’sir qilgan shikastlanishini aniqladi. Futbolchi davolashning eng maqbul usulini belgilash uchun mutaxassis bilan maslahatlashadi», — deya derbyderbyderby.it nashri xabar berdi.
Eslatib o‘tamiz, «Milan» avvalgi kuni «Sassuolo» bilan durang o‘ynadi.
