«Венеция»нинг «Аталанта»га 1:3 ҳисобида мағлуб бўлиши Жованни Строппанинг мураббийлик салоҳиятига нисбатан шубҳаларни янада кучайтирди. Мавсумни омадсиз бошлагани учун мутахассис қаттиқ танқид остида қолмоқда: жамоа ҳисобида олтита мағлубият бор ва ҳали бирорта ҳам ғалаба қозонилмаган. Учрашувдан сўнг мураббий шогирдларининг ўйинини ҳимоя қилди, бироқ хафагарчилигини яширмади.
«Натижалар кўнгилни қолдирмоқда. Мен ишлашда давом этяпман ва ушбу жамоага қандай ҳисса қўша олишимга эътибор қаратяпман», — дея Строппанинг сўзларини келтиради derbyderbyderby.it.
А Сериясида биринчи мураббий истеъфоси яқинлашиб келаётганга ўхшайди. Кейинги турда «Венеция» «Наполи»га қарши майдонга тушади.
