Лондоннинг «Арсенал» клуби марказий ҳимоячиси Габриэл ўтган мавсумда Чемпионлар лигаси финалида «ПСЖ»га қарши ўйинда тепган пенальтиси ҳақидаги саволга жавоб берди.
«Тўпчилар» пенальтилар сериясида 3:4 ҳисобида мағлуб бўлишди. Эберечи Эзе ва Габриэл ўз зарбаларини голга айлантира олмаган эди.
«Ўтган мавсумда Чемпионлар лигасида ҳақиқатан ҳам ажойиб иштирок этдик, аммо финалда ҳар қандай ҳолат юз бериши мумкин. Кейинги сафар зарурат туғилса, пенальти тепишга тайёр бўламан.
Ўша омадсизликдан кейин жамоадошларим менга жуда катта ёрдам беришди. Албатта, қаттиқ хафа бўлгандим, аммо бу воқеадан сабоқ чиқардим ва яна бемалол пенальти тепа оламан», — деди бразилиялик футболчи матбуот анжуманида.
Сешанба куни «Арсенал» Чемпионлар лигаси умумий босқичининг иккинчи тури доирасида ўз майдонида «Лилль»ни қабул қилади.
