«Манчестер Юнайтед» марказий ҳимоячиси Маттейс де Лигт оғир жароҳатидан сўнг сафга қайтмоқда.
Нидерландиялик футболчи бел қисмидаги жиддий муаммолар сабабли 2025 йил ноябрь ойидан бери, қарийб бир йил давомида майдонга тушмади. CentreGoals нашри хабар беришича, 27 ёшли футболчи жароҳатидан тикланди ва Чемпионлар лигасида Мадриднинг «Атлетико»сига қарши бўлиб ўтадиган навбатдаги учрашувда иштирок этиши мумкин. Бош мураббий Майкл Кэррик уни сафар ўйини учун қайдномага киритди.
«Қизил иблислар»нинг «матрасчилар»га қарши учрашуви бугун бўлиб ўтади. Ўйин Тошкент вақти билан 00:00 да бошланади.
Премьер-лигада эса манкунианликлар олти турдан кейин олти очко билан 13-ўринни эгаллаб турибди.
