Саудия Арабистонининг "Ан-Наср" клуби ҳужумчиси Криштиану Роналду жорий мавсумда ўртача ҳар икки учрашувда биттадан гол урмоқда.
41 ёшли португалиялик футболчи Осиё Чемпионлар лигаси Элит мусобақасида Фарғонанинг "Нефтчи" жамоасига қарши баҳсда ҳам ўз ҳисобини гол билан бойитди.
Роналду учрашувнинг 42-дақиқасида рақиб дарвозасини ишғол қилиб, жорий мавсумдаги бешинчи голини киритди.
Бунга қадар у "Ад-Дирия", "Абҳа", "Ат-Таъавун" ва "Ар-Риёд" жамоаларига қарши учрашувларда ҳам гол уришга муваффақ бўлган эди.
Шу тариқа, португалиялик юлдуз жорий мавсумда клуби ва Португалия терма жамоаси сафида жами 10 та учрашувда иштирок этиб, 5 та гол муаллифи бўлди.
Роналдунинг айни пайтдаги ўртача сермаҳсуллиги ҳар икки ўйинга битта голни ташкил этмоқда.
