Бельгиянинг «Брюгге» клуби ҳужумчиси Николо Треcольди келажакда Италиянинг «Милан» жамоаси шарафини ҳимоя қилишни орзу қилмоқда. Бу ҳақда футболчининг отаси Эмануэле Треcольди La Gazzetta dello Sport нашрига берган интервьюсида маълум қилди.

Унинг таъкидлашича, Николо болалигидан «Милан» мухлиси бўлиб улғайган ва италияликлар сафида тўп сурган машҳур футболчиларга ҳавас қилган.

«У Кака, Индзаги ва Патони яхши кўриб қолган эди. Шундан кейин унинг фикрини ўзгартиришнинг ҳеч қандай иложи бўлмади», — деди Эмануэле Трезольди.

Футболчининг отасидан ўғли келажакда Италия А Сериясида тўп суриши мумкинлиги ҳақида ҳам сўрашди.

Эмануэле бундай имконият мавжудлигини таъкидлаб, Николо учун «Милан» либосини кийиш болаликдан шаклланган катта орзу эканини маълум қилди.

Шунингдек, у ўғлига «Интер»дан таклиф тушган тақдирда ҳам, уни рад этиши мумкинлигини истисно қилмади. Унинг фикрича, футболчининг «Милан»га бўлган мухлислик садоқати қарор қабул қилишда ҳал қилувчи аҳамият касб этиши мумкин.

Қизиғи, 22 ёшли Николо Трезольди яқин орада айнан «Интер»га қарши майдонга тушиши кутилмоқда.

«Брюгге» ҳужумчиси УЕФА Чемпионлар лигаси доирасида Миланнинг «Интер» клубига қарши бўлиб ўтадиган учрашувга тайёргарлик кўрмоқда.

Шу тариқа, ёш футболчи келажакда «Милан» шарафини ҳимоя қилишни орзу қилаётган бир пайтда, Чемпионлар лигасида ушбу клубнинг азалий рақибига қарши тўп суриш имкониятига эга бўлади.