«Бавария» ҳужумчиси Ҳарри Кейн Чемпионлар лигаси умумий босқичида «Викинг»га қарши ўйинда жамоа ярим ҳимоячиси Майкл Олисeнинг майдондан четлатилишига муносабат билдирди.
«Олисе қаттиқ тушкунликка тушади ва бунинг учун масъулиятни ўз зиммасига олишига тўғри келади. Бу хато эди, хатолар эса бўлиб туради.
Жуда афсусланарли ҳолат, чунки олдимизда Чемпионлар лигасида муҳим ўйин турибди. Ушбу учрашувни ўтказиб юбориш Олисе учун жуда оғир бўлади», — деди Кейн Prime Video эфирида.
Олисе 73-дақиқада бирданига иккита сариқ карточка олиб, майдондан четлатилди. WhoScored маълумотларига кўра, бу 24 ёшли француз футболчисининг катталар даражасидаги фаолияти давомидаги илк четлатилиши бўлди.
Бир киши кам бўлиб қолган «Бавария» «Викинг»га қарши учрашувда ғалабани сақлаб қола олмади. Норвегия клуби 90-дақиқада ҳисобни тенглаштириб, кутилмаган дурангни қўлга киритди — 3:3.
