Аргентиналик ҳужумчи Хулиан Альварес таниқли агент Пабло Баркеро билан шартнома тузишни режалаштирмоқда. Бу ҳақда Mundo Deportivo нашри хабар берди.
Аввалроқ Альварес Фернандо Идальго билан ҳамкорликни тўхтатган эди. Бунга агентнинг унинг «Барселона»га трансферини амалга ошира олмагани сабаб бўлган.
Манба маълумотларига кўра, ҳужумчи «Барселона» ярим ҳимоячиси Родри Эрнандеснинг манфаатларини ҳимоя қилувчи Пабло Баркеро билан шартнома имзолашга мойил. Ўтган ёзда айнан у испаниялик футболчининг «Манчестер Сити»дан трансферини ташкил қилган эди.
Қайд этилишича, Альварес ҳамон «Барселона»га ўтишга умид қилмоқда. Каталония клуби аргентиналик футболчи учун фаолиятини давом эттиришда устувор танлов бўлиб қолмоқда.
Жорий мавсумда 26 ёшли Альварес барча мусобақалар доирасида олтита учрашувда майдонга тушди. Бироқ у ҳозиргача бирорта ҳам гол ура олмади. Ҳужумчининг ҳисобида фақат битта голли узатма бор.
