«Барселона» Испания чемпионатининг навбатдаги турида «Бетис»га қарши сафар учрашувига тайёргарлик кўриш жараёнида кучайиши мумкин.
Goal нашрининг Sport манбасига таяниб хабар беришича, ҳужумчи Рафинья ва яримҳимоячи Френки де Йонг пайшанба куни жамоа билан тўлиқ машғулот ўтказди.
«Барселона» мураббийлари ва тиббиёт ходимлари Рафиньянинг жисмоний юклама ошишига муносабатини диққат билан кузатмоқда. Олинган маълумотлар асосида бразилиялик футболчининг учрашув учун қайдномага киритилиши ҳал қилинади.
Де Йонг ҳам 2026/2027 йилги мавсумда илк бор майдонга тушишга яқин. Нидерландиялик футболчи жамоа билан шуғулланмоқда ва ижобий ўсишни намойиш этяпти. Бироқ Ханс-Дитер Флик уни дарҳол асосий таркибга киритиши кутилмаяпти. Эҳтимол, у «Бетис»га қарши ўйинда захирадан майдонга тушади.
«Бетис» ва «Барселона» 17 октябрь, шанба куни ўзаро баҳс олиб боради.
