«Бетис» вингери Антони ижтимоий тармоқларда уйи ўмарилганини маълум қилди. Ҳодиса чоршанба куни жамоа Чемпионлар лигаси доирасида «Порту»га қарши ўз майдонида ўйин ўтказаётган пайтда содир бўлган.
«Ажойиб ўтиши керак бўлган кеча ғазаб ва хафагарчиликка айланди. Уйимни ўмаришди! Мени энг кўп ғазаблантираётгани моддий зарар эмас, балки ўзимизни энг хавфсиз ҳис қилишимиз керак бўлган жойда ҳам ҳимоясизлик туйғусининг пайдо бўлиши.
Шунга қарамай, бир нарсани янада чуқурроқ англадим: дунёдаги ҳеч қандай моддий бойлик оиламнинг ҳаёти ва фаровонлигидан устун эмас», — деб ёзди Антони.
