Лондоннинг «Челси» клуби ҳимоячиси Рис Жеймс тиззасидан кичик жарроҳлик амалиётини бошдан кечирди. Бу ҳақда клуб матбуот хизмати хабар берди.
26 ёшли футболчи жароҳатидан кейин тикланиш жараёнини бошлаб юборди. Унинг майдонга қайтиш муддати ҳозирча маълум қилинмаган.
Эслатиб ўтамиз, Жеймс 10 октябрь куни «Борнмут»га қарши учрашув (5:1) олдидан ўтказилган машғулот пайтида жароҳат олган эди.
Ҳимоячи жорий мавсумда Англия Премьер-лигасида тўртта учрашувда иштирок этиб, битта сариқ карточка олди.
Олти турдан кейин «Челси» чемпионат жадвалида тўртинчи ўринни эгаллаб турибди.
