Аввал «Реал» (Мадрид) сафида тўп тепган, ҳозирда эса «Хетафе» аъзоси бўлган Даниэль Карвахаль собиқ жамоасига қарши «Сантьяго Бернабеу» стадионида ўйнаш эҳтимоли ҳақида фикр билдирди.

— «Реал»да 23 йилдан кейин бошқа клуб футболчиси сифатида «Сантьяго Бернабеу»да собиқ жамоангизга қарши майдонга тушишингизни тасаввур қила оласизми?

«Ростини айтсам, ҳозир фақат душанба куни мураббий мени майдонга тушириб, яна футбол ўйнашимга имкон беришини тасаввур қиляпман. Айни пайтда фақат шу ҳақда ўйлаяпман. Кейин нима бўлишини олдиндан айтишни истамайман.

Ўйнагим келяпти, майдонга қайтишни интиқлик билан кутяпман. Навбатдаги учрашув олдидан хаёлимни фақат шу нарса банд қилган. Биламан, гапларим одатий эшитилиши мумкин, аммо бу ҳақиқат. Ахир, сизга ёлғон гапира олмайман-ку», — дея Карвахальнинг сўзларини келтиради AS нашри.