Мадриднинг «Реал» клуби «Барселона» билан «Манчестер Юнайтед» дубль жамоасининг 16 ёшли футболчиси Жей-Жей Габриэль учун курашни давом эттирмоқда.

Испаниянинг икки гранди англиялик футболчи учун курашда пешқадамлик қилмоқда ва «ПСЖ» ҳамда «Бавария»ни ортда қолдирмоқда. Sport нашри маълумотларига кўра, «қаймоқранглилар» ёш юлдузнинг талабларини қондиришга тайёр. Трансфернинг умумий қиймати тахминан 10 миллион еврони ташкил этади. «Кўк-анорранглилар» эса футболчига йилига 2 миллион евро маош ва бонуслар кўзда тутилган уч йиллик шартнома таклиф қилмоқда.

Жей-Жей Габриэль ва унинг атрофидагилар якуний қарор яқин вақт ичида қабул қилинишини тасдиқлашди. Ҳужумкор ярим ҳимоячи «қизил иблислар» ихтиёрини аллақачон тарк этган. Ҳозирда у Барселонада индивидуал тарзда машғулот ўтказмоқда.