«Челси» Англия Премьер-лигасининг 2026/27 йилги мавсуми 7-тури доирасида сафарда «Эвертон»ни 2:0 ҳисобида мағлуб этди.

Лондонликлар сафида Педру Нету дубль қайд этди. Португалиялик футболчи учрашувнинг 46 ва 90-дақиқаларида рақиб дарвозасини ишғол қилди.

66-дақиқада меҳмонлар дарвозабони Эмилиано Мартинес рақиб футболчиси билан тўқнашув натижасида бошидан жароҳат олди. 34 ёшли посбон замбилда майдондан олиб чиқилди ва унинг ўрнини Майк Пендерс эгаллади.

Ушбу ғалабадан сўнг «Челси» очколари сонини 13 тага етказиб, турнир жадвалида тўртинчи ўринга кўтарилди. 10 очкога эга «Эвертон» эса олтинчи поғонага тушди.

«Челси» АПЛдаги навбатдаги учрашувини 24 октябрь куни ўз майдонида «Тоттенхэм»га қарши ўтказади. «Эвертон» эса шу куни сафарда «Арсенал» меҳмони бўлади.