«Ливерпуль» ҳужумчиси Александр Исак «Брентфорд»га қарши учрашувдаги (2:1) ғалабадан сўнг ўз фикрларини билдирди. Англия чемпионати 7-туридан ўрин олган баҳсда швециялик форвард 70-дақиқада ғалаба голини урди.
«Ғалабадан жуда хурсандман. Бу стадионда ўйнаш ҳар доим қийин, қолаверса, рақиб ҳам ноқулай. Учрашув бироз тартибсиз кечишини билардик, шунинг учун якунда ғалаба қозониш муҳим эди. Энг асосийси, диққатни жамлаб ўйнаш керак эди.
Менда гол уриш учун кўп имконият бўлмади, шу боис ўз вазиятимни кутдим. Тўпни назоратимга олиб, ҳужумни имкон қадар тезроқ якунлашга ҳаракат қилдим. Яхшиямки, гол уришга муваффақ бўлдим.
Менимча, ҳали кўп жиҳатларни яхшилашимиз керак. Биз олдинга қадам ташлаш билан бирга, очколарни ҳам қўлга киритяпмиз», — дея Исакнинг сўзларини келтиради Sky Sports.
