"Интер Майами" МЛС доирасидаги сафар учрашувида "Атланта Юнайтед"ни 3:1 ҳисобида мағлуб этди.
Учрашувнинг иккинчи бўлимида дубль қайд этган Лионель Месси баҳс қаҳрамонига айланди. Ўйин якунланганидан сўнг 39 ёшли футболчи ижтимоий тармоқларда пост қолдириб, жорий йилнинг июль ойида айнан Атлантадаги ушбу стадионда бўлиб ўтган ЖЧ-2026 доирасида Аргентина терма жамоасининг Миср ва Англияга қарши унутилмас учрашувларини эслади.
"Интер Майами" билан яна бир ғалаба. Бу стадион менга унчалик узоқ бўлмаган ўтмишдаги ажойиб хотираларни ёдга солади...", — деб ёзди Месси ижтимоий тармоқларда.
Эслатиб ўтамиз, Аргентина терма жамоаси 2026 йилги жаҳон чемпионатининг 1/8 финалида Мисрга қарши учрашувда 0:2 ҳисобида ортда бораётиб, якунда 3:2 ҳисобида ғалабани илиб кетган эди.
Аргентиналиклар ярим финалда Англияга қарши баҳсда ҳам иродали ғалабага эришган. Жамоа учрашув давомида 0:1 ҳисобида мағлуб бўлаётганига қарамай, сўнгги дақиқаларда вазиятни ўз фойдасига ўзгартириб, 2:1 ҳисобида зафар қучган.
Мисрга қарши учрашувда Месси битта гол уриб, битта голли узатмани амалга оширган бўлса, Англия билан баҳсда икки марта жамоадошларига голли пас берган эди.
