Нидерландия терма жамоасининг собиқ бош мураббийи Франк де Бур Италиянинг "Рома" клуби ҳужумларида қисқа вақт ичида етакчига айланган Дониэлл Маленнинг ўйинини юқори баҳолади.
"Менимча, у ўзига хос фазилатга — ноёб гол уриш инстинктига эга. У доимо гавдасини дарвоза томон буриб ҳаракат қилади ва тўпга биринчи тегиниши биланоқ зарба бериш учун ўзига қулай вазият яратади.
У 5–10 метрлик қисқа масофада ақлбовар қилмас даражада тез ҳаракат қилади. Шунингдек, у дарвозани аниқ нишонга олиб, гол уриш учун етарлича совуққонликка эга. Ҳозир у ўзига жуда ишонаётгани яққол кўриниб турибди.
Терма жамоада ишлаган пайтимда ихтиёримда шундай футболчи бўлмагани афсусланарли", — дея Де Бурнинг сўзларини келтиради forzaroma.info нашри.
Эслатиб ўтамиз, Мален жорий йилнинг январь ойида Рим клуби сафига қўшилган эди.
