Niderlandiya terma jamoasining sobiq bosh murabbiyi Frank de Bur Italiyaning "Roma" klubi hujumlarida qisqa vaqt ichida yetakchiga aylangan Doniell Malenning o‘yinini yuqori baholadi.
"Menimcha, u o‘ziga xos fazilatga — noyob gol urish instinktiga ega. U doimo gavdasini darvoza tomon burib harakat qiladi va to‘pga birinchi teginishi bilanoq zarba berish uchun o‘ziga qulay vaziyat yaratadi.
U 5–10 metrlik qisqa masofada aqlbovar qilmas darajada tez harakat qiladi. Shuningdek, u darvozani aniq nishonga olib, gol urish uchun yetarlicha sovuqqonlikka ega. Hozir u o‘ziga juda ishonayotgani yaqqol ko‘rinib turibdi.
Terma jamoada ishlagan paytimda ixtiyorimda shunday futbolchi bo‘lmagani afsuslanarli", — deya De Burning so‘zlarini keltiradi forzaroma.info nashri.
Eslatib o‘tamiz, Malen joriy yilning yanvar oyida Rim klubi safiga qo‘shilgan edi.
