Миланнинг "Интер" клуби Италия А Сериясининг 7-турида навбатдаги ғалабасини қўлга киритди. Бироқ бу сафар ҳам Италия чемпиони биринчи бўлиб гол ўтказиб юборгани сабабли иродали ғалабага эришишига тўғри келди.
"Интер"нинг иккинчи голига муаллифлик қилган Карлос Аугусто жамоадошларини янада жиддийроқ ҳаракат қилишга ва келгусида ўзларини қийин вазиятга тушириб қўймасликка чақирди.
"Биз ўйинимизни яхшилашимиз керак. Ҳисобда ортда қолаётганингда, учрашув тақдирини ўзгартириш учун жуда кўп куч сарфлашга тўғри келади.
Биз ўйинларга бўлган ёндашувимизни яхшилашимиз шарт ва бунга қодирмиз. Ўтган йили айнан шу жиҳат бизнинг кучли томонларимиздан бири эди.
Биз буни қандай амалга оширишни биламиз ва бу жуда муҳим", — дея Аугустонинг сўзларини келтиради fcinter1908.it нашри.
Ушбу ғалаба "Интер"га Италия чемпионати турнир жадвалидаги пешқадамлигини сақлаб қолиш имконини берди.
