2025 йилда Италия чемпиони бўлган "Наполи" ҳозирда жиддий инқирозни бошдан кечирмоқда. Шу сабабли клубда бирдамлик ва ҳамжиҳатликни сақлаш зарурлиги ҳақида кўп гапирилмоқда.

Жамоа дарвозабони Алекс Мерет ҳам ушбу масалага тўхталиб, "Венеция"дан қабул қилиб олинган кутилмаган мағлубиятга муносабат билдирди.

"Биз "Фрозиноне"га қарши учрашувда ўзимизни жуда яхши кўрсатгандик, аммо шундан кейин кетма-кет иккита мағлубиятга учрадик.

Бугун ҳам ёмон ўйин ўтказмадик. Кўплаб голли вазиятлар яратдик, рақибга эса фақат битта имконият бердик. У ҳам ўз хатомиз туфайли юзага келди.

Яратган имкониятларимиз сонини ҳисобга олсак, бемалол ғалаба қозонишимиз мумкин эди.

Биз бирдамлигимизни сақлаб қолишимиз ва бир-биримиз учун фидойилик қилишга тайёр бўлишимиз керак", — дея Меретнинг сўзларини келтиради calcionapoli1926.it нашри.

Италия чемпионатининг навбатдаги турида "Наполи" "Рома"га қарши майдонга тушади.