2025 yilda Italiya chempioni bo‘lgan "Napoli" hozirda jiddiy inqirozni boshdan kechirmoqda. Shu sababli klubda birdamlik va hamjihatlikni saqlash zarurligi haqida ko‘p gapirilmoqda.
Jamoa darvozaboni Aleks Meret ham ushbu masalaga to‘xtalib, "Venesiya"dan qabul qilib olingan kutilmagan mag‘lubiyatga munosabat bildirdi.
"Biz "Frozinone"ga qarshi uchrashuvda o‘zimizni juda yaxshi ko‘rsatgandik, ammo shundan keyin ketma-ket ikkita mag‘lubiyatga uchradik.
Bugun ham yomon o‘yin o‘tkazmadik. Ko‘plab golli vaziyatlar yaratdik, raqibga esa faqat bitta imkoniyat berdik. U ham o‘z xatomiz tufayli yuzaga keldi.
Yaratgan imkoniyatlarimiz sonini hisobga olsak, bemalol g‘alaba qozonishimiz mumkin edi.
Biz birdamligimizni saqlab qolishimiz va bir-birimiz uchun fidoyilik qilishga tayyor bo‘lishimiz kerak", — deya Meretning so‘zlarini keltiradi calcionapoli1926.it nashri.
Italiya chempionatining navbatdagi turida "Napoli" "Roma"ga qarshi maydonga tushadi.
