Миланнинг "Интер" клуби "Болонья"га қарши учрашувда иродали ғалабага эришди. Бу руминиялик мутахассис Кристиан Киву шогирдлари учун жорий мавсумнинг дастлабки еттита ўйинидаги олтинчи ғалаба бўлди. Жамоа фақат "Рома"га қарши баҳсда очко йўқотган.
Маълум бўлишича, "Интер" мавсумнинг дастлабки еттита учрашувида 19 очко жамғаришга клуб тарихида тўртинчи бор муваффақ бўлди. Бу статистика ғалаба учун уч очко бериш тизими жорий этилган 1994/1995 йилги мавсумдан бошлаб ҳисобланган.
Миланликлар илк бор бундай натижани 1997/1998 йилги мавсумда қайд этган. Кейинчалик ушбу кўрсаткич 2002/2003 ва 2017/2018 йилги мавсумларда ҳам такрорланган.
Бу натижалар "Интер"нинг Италия А Сериясида дастлабки еттита тур якунлари бўйича клуб тарихидаги энг яхши кўрсаткичлари ҳисобланади.
Италия чемпионатининг навбатдаги турида "Интер" айни пайтда қийин даврни бошдан кечираётган "Фиорентина"га қарши майдонга тушади.
