Мадриднинг «Реал» клуби бош мураббийи Жозе Моуриньо жамоанинг ҳозирги таркибидан мамнун эканини билдириб, қишки трансферлар ойнасида янги футболчиларни сотиб олишни талаб қилмаслигини маълум қилди.

— Қишки трансферлар ойнасида янги футболчиларни харид қилиш имкониятини кўриб чиқяпсизми?

— Бизнинг ихтиёримизда ҳар доим ўйин қайдномасига киритилган 23 нафар футболчи бўлади. Эртага Винисиус майдонга тушмайди, аммо Милитао сафимизда бўлади.

Трансферларга келсак, мен ҳеч нарса талаб қилаётганим йўқ. Жамоа таркибидан ва футболчиларимдан мамнунман.

Менимча, футболчиларнинг ҳам индивидуал, ҳам жамоавий жиҳатдан ривожланиб бориши мутлақо табиий ҳол. Айниқса, хотиржам ишлаш учун етарлича вақтимиз ва қулай шароитимиз бўлса. Мураббийнинг вазифаси — ўз футболчиларининг ривожланишига ёрдам бериш.

Янги футболчиларни талаб қилиш менга ярашмайди. Мен ихчам таркиб билан ишлашни яхши кўраман. Агар жамоага кимдир келадиган бўлса, бошқа бир футболчи кетишига тўғри келади.

Агар клубнинг спорт раҳбарияти қандайдир трансфер вариантларини кўриб чиқса, биз уларни муҳокама қилишга тайёрмиз. Аммо бу борадаги ташаббус мендан чиқмайди, — деди Моуринью.