«Барселона» Испания Ла Лигасининг 9-тури доирасида «Бетис»ни 5:2 ҳисобида мағлуб этди. Бу каталонияликлар учун Ханс-Дитер Флик бош мураббийлигидаги 128 та учрашувда камида учта гол фарқи билан қозонилган 45-ғалаба бўлди.

Бундан аввал «Барселона» Чемпионлар лигаси умумий босқичининг 2-турида «Галатасарой»ни 4:1 ҳисобида йирик мағлубиятга учратган эди.

Флик қўл остида каталонияликлар «Валенсия»ни тўрт марта (7:1, 5:0, 6:0, 5:0), «Атлетик»ни (3:0, 4:0, 5:0), «Мальорка»ни (5:1, 3:0, 3:0) ва «Севилья»ни (5:1, 4:1, 5:2) уч мартадан йирик ҳисобда мағлуб этишган.

Шунингдек, «Барселона» Мадриднинг «Реал» (4:0, 5:2), «Жирона» (4:1, 4:1), «Вильярреал» (5:1, 4:1) ва «Хетафе» (3:0, 3:0) жамоалари устидан икки мартадан йирик ғалаба қозонган.

Бундан ташқари, Флик шогирдлари қуйидаги жамоаларни ҳам камида учта гол фарқи билан мағлуб этишга муваффақ бўлган:

«Фейеноорд» — 5:1, «Вальядолид» — 7:0, «Янг Бойз» — 5:0, «Алавес» — 3:0, «Бавария» — 4:1, «Црвена Звезда» — 5:2, «Брест» — 3:0, «Барбастро» — 4:0, «Бетис» — 5:1, «Реал Сосьедад» — 4:0, «Боруссия» — 4:0, «Олимпиакос» — 6:1, «Овьедо» — 3:0, «Копенгаген» — 4:1, «Леванте» — 3:0, «Осасуна» — 3:0, «Атлетико» — 3:0, «Ньюкасл» — 7:2, «Эспаньол» — 4:1, «Эльче» — 5:0, «Райо Вальекано» — 5:2, «Расинг» — 7:2.

Шу тариқа, «Барселона» Ханс-Дитер Флик бошқарувида ўтказган 128 та учрашувининг 45 тасида рақибларини камида учта гол фарқи билан мағлуб этган. Бу жамоа ўйинларининг 35 фоиздан ортиғи йирик ғалаба билан якунланганини англатади.