Лондоннинг «Арсенал» клуби бош мураббийи Микель Артета жамоа ҳужумчиси Кай Хаверц бир мавсумда 25–30 та гол уришга қодирми, деган саволга жавоб берди.
«Ҳа, албатта. Хаверц юқори савияли ҳужумчига айланиш учун етарлича салоҳиятга эга. Айнан шу сабабли у ушбу позицияда майдонга тушмоқда. «Арсенал» уни айнан шу мақсадда сотиб олган», — дея испаниялик мутахассиснинг сўзлари ижтимоий тармоқларда келтирилмоқда.
27 ёшли германиялик футболчи жорий мавсумда Англия Премьер-лигаси доирасида олтита учрашувда майдонга тушиб, иккита гол уришга муваффақ бўлди.
«Арсенал» эса чемпионатнинг дастлабки олти турида 15 очко жамғарган ҳолда мусобақа жадвалида иккинчи ўринни эгаллаб турибди.
