«Манчестер Юнайтед» раҳбарияти бош мураббий Майкл Кэррикни муносиб ўринбосар топилганидан сўнг лавозимидан озод этишни режалаштирмоқда. Бу ҳақда indykaila ижтимоий тармоқлардаги X саҳифасида хабар берди.

Манбага кўра, «Борнмут» ва «Фулҳэм» 45 ёшли мутахассисни келажакдаги бош мураббий сифатида кўрмоқда.

Шунингдек, «Манчестер Юнайтед» сардори Бруну Фернандеш ҳам ёзда жамоани тарк этиши кутилмоқда. 32 ёшли португалиялик ярим ҳимоячининг клуб билан шартномаси шу вақтда якунига етади.

Кэррик 2026 йил январидан буён «қизил иблислар»ни бошқариб келмоқда. Англия Премьер-лигасининг дастлабки олти туридан кейин манкунианликлар олти очко жамғарган ҳолда турнир жадвалининг 14-поғонасини эгаллаб турибди.

Бруну Фернандеш 2020 йил январидан бери «Манчестер Юнайтед» шарафини ҳимоя қилмоқда. У шу вақт давомида барча мусобақаларда 336 та учрашувда майдонга тушиб, 111 та гол ва 109 та голли узатмани ўз ҳисобга ёздирган.