«ПСЖ» марказий ҳимоячиси Илья Забарний «Страсбург»га қарши ғалабали учрашувдан (3:1) кейин Франция чемпионатидаги футбол савияси ҳақида фикр билдирди.
«Ҳамма бу чемпионатни фермерлар лигаси деб айтади. Аммо шуни айтмоқчиманки, Франция чемпионатида “ПСЖ” сафида ўйнаш умуман осон эмас», — дея футболчининг сўзларини журналист Дуния Месли ижтимоий тармоқларда келтирган.
Эслатиб ўтамиз, кечаги учрашувда Забарний гол уришга муваффақ бўлди. Бу унинг жорий мавсумдаги илк голи бўлди.
Еттита учрашувдан кейин Париж гранди 14 очко жамғарган ва Франция чемпионати турнир жадвалида учинчи ўринни эгаллаб турибди.
