«Бавария» дарвозабони Мануэль Нойер шанба куни Бундеслигада «РБ Лейпциг»га қарши ўтказилган учрашувда майдонга тушмади. Мюнхен клубининг спорт директори Макс Эберль тажрибали футболчининг ҳолати ҳақида изоҳ берди.
«Нойернинг оёғида суюқлик тўпланиб қолгани сабабли у майдонга туша олмади. Чоршанба куни ўйнай олиш-олмаслигини унинг соғлиғи ҳолатига қараб билиб оламиз», — дея Эберлнинг сўзларини Goal портали келтирмоқда.
Шу билан бирга, Bild нашри суюқлик тўпланиши жароҳатдан эмас, балки жисмоний юкламалардан келиб чиққан бўлиши мумкинлигини таъкидламоқда. Шунга қарамай, Нойер Чемпионлар лигасида «Арсенал»га қарши учрашувни ҳам ўтказиб юбориши мумкин.
«Бавария» — «Арсенал» учрашуви 21 октябрь, чоршанба куни бўлиб ўтади.
